Парламент кечээ, «Бүтүн Кыргызстан» фракциясынын лидери, депутат Адахан Мадумаровду жоопко тартууга уруксат берди.
Жабык жыйындан кийин Адахан Мадумаров Акүйдүн алдына топтолгон журналисттердин суроолоруна жооп берди.
“Жыйында коллегаларым соттор боюнча маселе көтөрүштү. Соттор адилетсиз, туура эмес чечим чыгарышат, пара алышат, буйрук аткарышат, иши кылса, сотторго нааразычылык билдиришти. Анан, депутат Исхак Масалиев чыгып айтты, “соттор андай, мындай деп жатасыңар. Анан, ушундай сотторго Мадумаровдун тагдырын кантип ишенип тапшырасыңар? Бийликчил депутаттар да, элдин канын соттор соруп бүтүрүштү деп айтышты. Негизи, “баш аламандыкты уюштуруу”, “бийликти басып алууга аракет жасоо” деген беренелерин комиссия жокко чыгарыптыр. Ал эми маселе чек арадагы протокол боюнча болуп жатат. Бирок, мен аны былтыр эле далилдеп бергемин“,- деп айтты журналисттерге Адахан Мадумаров.
