Айыл чарба тармагын өнүктүрүүгө 43,1 миллиард сом бөлүндү. Бул тууралуу мамлекет башчы Садыр Жапаров экинчи Элдик Курултайдын жүрүшүндө билдирди.
Ал белгилегендей, бүгүнкү күндө Кыргызстан өзүн тамак-аштын беш түрү менен толук камсыздай алат.
“Өнөр жайды өнүктүрүү үчүн шарттар түзүлүүдө. 60тан ашык ишкана ишке киргизилип, 7,7 миң жаңы жумуш орундары түзүлдү. Үч жылдын ичинде өнүктүрүү фонддору жана банктар тарабынан 1 миң 282 өнөр жай ишканасына каржылоо ачылган. “Кыргыз өнөр жайы” жер семирткичтерди, мыктарды, пластмассаларды, электроникаларды, топчуларды, аксессуарларды, кассалык машиналарды, фарфор, ксерокс жана башка түрлөрүн чыгаруу боюнча 20 долбоорду ишке ашырууда”, – деди президент.
